“Mund të ndryshoni pamjen”: Shtëpia që “rrotullohet” del në shitje në Zelandën e Re

Një shtëpi në Zelandën e Re që mund të “rrotullohet” vazhdimisht është listuar për shitje për herë të parë që kur pronari i saj e projektoi dhe e ndërtoi atë 35 vjet më parë.

Sipas mediave të huaja, përcjell Telegrafi, ndërtesa që ndodhet në shpatin bregdetar të kodrës Maraetai të Auckland besohet të jetë e vetmja e llojit të saj në vend.

Dhe një “rrotullim” i plotë i saj thuhet se zgjat 33 minuta.

Kur pronari i saj, inxhinieri Don Dunick, po mendonte se çfarë lloj shtëpie donte të ndërtonte në parcelën bregdetare, kolegët e tij inxhinierë sugjeruan një ide të re – një shtëpi “rrotulluese” që mund të shikonte pamjet e detit ose shkurret vendase, në varësi të disponimit të tij.

Carolyn Hanson nga Sotheby’s International Realty, tha se prona, me vlerë pak më shumë se 1 milion NZ (rreth 570 mijë euro), do të shitet përmes një procesi tenderimi.

Që kur u rendit për shitje javën e kaluar, ajo është mbushur me vizitorë, tha Hanson. /Telegrafi/