Ndërron jetë në moshën 80-vjeçare kantautori italian, Toto Cutugno

Kantautori italian, Toto Cutugno, ka ndërruar jetë në moshën 80-vjeçare. I njohur për këngën e tij hit mbarëbotërore të vitit 1983, “L’Italiano”, kantautori u shua pas “luftës” së gjatë me sëmundjen e rëndë nga e cila vuante prej kohësh.

Cutugno, emri i të cilit ishte Salvatore, dha frymën e fundit në Spitalin San Raffaele të Milanos.  I lindur në Toskanë nga një baba sicilian, Cutugno fitoi gjithashtu në vitin 1990 Eurovision Song Contest me këngën “Insieme: 1992”. Ai fitoi dy herë Festivalin e Këngës në Sanremo.