Aktori Sir Michael Gambon ka ndërruar jetë në moshën 82 vjeçare.
Ai është më i njohur për rolin e drejtorit të Hogwarts-it, Dumbledore, në një numër filmash të “Harry Potter”.
I ndjeri filloi karrierën e tij të aktrimit më shumë se 60 vjet më parë dhe ishte një nga anëtarët origjinalë të Teatrit Kombëtar së bashku me Laurence Olivier.
Ai gjithashtu luajti detektivin francez Jules Maigret në serialin ITV “Maigret” si dhe luajti në serialin e BBC, “The Singing Detective”.
Sir Michael ishte një yll i dekoruar dhe i kompletuar i skenës dhe ekranit, duke fituar Olivier, BAFTA dhe Emmy në karrierën e tij gjashtë dekadash.
Ai bëri debutimin e tij në aktrim në një produksion të “Othello” në Dublin në vitin 1962, duke u bashkuar shpejt me Teatrin Kombëtar në Londër dhe duke vazhduar të punojë në skenat në mbarë Mbretërinë e Bashkuar, në New York dhe Gjermani.
“Othello” ishte gjithashtu filmi i tij i parë në vitin 1965.
Very sorry to hear about the passing of Michael Gambon. He was, on and off the camera, a legend. Just a little memory of Michael pic.twitter.com/4M6E6inWMy
— James Phelps (@James_Phelps) September 28, 2023
I njëjti vazhdoi të luajë në filma të dashur si “Gosford Park”, “Sleepy Hollow” dhe filmat “Paddington”. /Telegrafi/