Ndryshimet historike në Holandë! Largohen punonjëset e seksit nga vitrinat e dyqaneve dhe lagjet e dritave të kuqe

Bordi i drejtorëve të Amsterdamit paralajmëroi një “qendër dashurie” të re për vendasit dhe turistët.

Të hënën, bashkia e qytetit e vlerësoi vendndodhjen në pjesën jugore të kryeqytetit holandez si më të përshtatshmen për një “qendër dashurie”.

Kryebashkiaku Femke Halsema dëshiron të “çrrënjos” lagjen e dritave të kuqe dhe ta zhvendosë atë nga qendra e qytetit në një qendër të ndërtuar për qëllime, duke synuar të çlirojë Amsterdamin nga imazhi i tij “qyteti i mëkatit”.

“Bulevardi Europa në lagjen jugore është lokacioni më i përshtatshëm për Qendrën e re të Dashurisë”, tha një zyrtar i qytetit.

Halsema ka shprehur vazhdimisht kundërshtimin e tij ndaj zonës së dritave të kuqe, të njohur si De Wallen, ku punonjëset e seksit ulen në dritare dhe presin klientët. Bulevardi Europa, i cili është larg nga distrikti kryesor i biznesit të Amsterdamit, ishte një nga tre zonat e ekzaminuara. “Qendra e re e dashurisë” do të ketë 100 dhoma, si dhe restorante, strip show, klube dhe restorante.

Top Channel