Nëna vendos një përbërës të gabuar në ushqim, i gjithë vakti shkatërrohet

Në një rast tronditës, një grua u nervozua shumë pasi zbuloi se kishte përdorur xhel flokësh për të bërë darkën në vend të vajit të ullirit të pastër grek.

Videoja ku zbulohet ky gabim është publikuar nga vajza e saj Kameron Jane në TikTok dhe ka ngjallur reagime të shumta, përcjell Telegrafi.

“Nuk do ta besoni kurrë atë që bëri në të vërtetë nëna ime për darkë”, thuhet në mbishkrimin e videos.

“Shikoni se çfarë ka bërë nëna ime e gjorë. Ajo sapo gatuajti këtë vakt të bukur me vaj ulliri grek. Ky vakt i shijshëm për të cilin ajo shpenzoi shumë, vetëm pasi mbaroi, ne e zbuluam se ishte përgatitur me xhel për flokë”, dëgjohet të thotë Jane ndërsa tregon etiketën në shishen e xhelit.

Më vonë, vajza tregon se nëna e saj është aq e mërzitur sa që thotë se dëshiron të godasë diçka për ta larguar mllefin.

Shumë njerëz mbetën të befasuar kur zbuluan se e kishin kryer të njëjtin veprim.

“Pjata dukej e mahnitshme. Na vjen keq. Gabimet ndodhin”, shkroi një përdorues. /Telegrafi/