Oracle po zhvillon një automjet policie në versionin Cybertruck të Tesla-s

Gjiganti i teknologjisë kompjuterike Oracle ka bërë të ditur planet për të zhvilluar një automjet policie të bazuar në modelin Cybertruck të Tesla-s.

Larry Ellison, bashkëthemeluesi i kompanisë, që dikur kishte një vend në bordin e drejtorëve të Tesla-s, e ka bërë njoftimin gjatë konferencës CloudWork të Oracle në Las Vegas më 20 shtator, transmeton Telegrafi.

“Makina jonë e policisë së gjeneratës së ardhshme do të dalë shumë shpejt. Është vetura ime e preferuar e policisë; është makina ime e preferuar në fakt dhe po ashtu e Elon Musk”, tha Ellison gjatë prezantimit.

“Ndër të tjera, është shumë e sigurt, shumë e shpejtë, ka një trup prej çeliku inox, dhe ne nuk do të kemi nevojë t’i shtojmë një ekran ose kamera sepse ne mund të përdorim kamerat e tyre ekzistuese dhe ekranin ekzistues për të vendosur aplikacionin tonë në të”, ai shtoi.

@Oracle Cloud World event in Vegas showed @Tesla CyberTruck dressed as a police car 🚔 #Cybertruck #tesla #TSLA #OracleCloudWorld pic.twitter.com/CfftmZe082

— Daivat Dholakia (@Daivatd) September 20, 2023

Derisa fliste, ekrani pas tij shfaqte një imazh një veturë policie Tesla Cybertruck, të kompletuar me drita urgjence, sirena, dhe veshje Oracle.

Bashkëthemeluesi i Oracle nuk dha detaje të mëtejshme.

Kjo kompani tashmë po ofron zgjidhje cloud për agjencitë e zbatimit të ligjit dhe zhvillimi i një makine policie do të ishte hapi tjetër në këtë drejtim. /Telegrafi/