Pamje që thuhet se tregojnë ushtarët izraelitë duke i vënë zjarrin furnizimeve të ndihmës humanitare në Gaza

Ky thuhet të jetë momenti kur trupat nga Forcat e Mbrojtjes së Izraelit (IDF) duket se po i vënë zjarrin ndihmës humanitare në Gaza.

Sipas mediave të huaja, përcjell Telegrafi, pamjet që po qarkullojnë në mediat sociale treguan disa burra në uniformat e IDF-së teksa i vënë zjarrin disa produkteve në pjesën e pasme të një kamioni.

Pamjet thuhet se janë filmuar në Shejaiya afër qytetit të Gazës, të cilin Izraeli e kishte përshkruar si një “qendër graviteti” për Hamasin.

🚨Israeli soldiers set fire to food & water supplies in the besieged Shejaiya in Gaza’s Northern half

Note the immense satisfaction & smile from ear to ear on one of the soldiers’ faces! They were the ones to film & post this b/c there will be ZERO consequences to this depravity pic.twitter.com/iMBIeQOf8k

— Muhammad Shehada (@muhammadshehad2) December 9, 2023

Ndryshe, sulmet gjatë natës goditën “një qendër të komunikimit ushtarak të Hamas” dhe “boshte tuneli nëntokësore” në Gazën jugore, si dhe “një komandë ushtarake të Hamasit” në Shejaiya, thuhet në një deklaratë të ushtrisë.

Dhe fjalët nuk po arrijnë të përshkruajnë katastrofën e paparë humanitare në të gjithë enklavën palestineze, shkruan më tej mediumi britanik Metro. /Telegrafi/