Pas ndarjes nga Ajsel, Eros Grezda shihet në shoqërinë e këngëtares Donna Dafi

Futbollisti i njohur Eros Grezda ka marrë një vendim të rëndësishëm në jetën e tij profesionale, duke vendosur të bëjë një pushim nga futbolli pas një periudhe të sfidave personale dhe profesionale. Vendimi për të marrë një pauzë erdhi në një kohë kur Grezda ndihej se nuk ishte në formën e tij më të mirë dhe pas ndarjes nga ish-partnerja e tij, Ajsel Abazi, me të cilën ka një djalë.

Për të shijuar këtë fazë të re të jetës, Grezda ka ndërmarrë udhëtime të shpeshta. Ai ka ndarë momente nga vizitat e tij në Kroaci, atdheun ku jeton tani, si dhe udhëtime në Shqipëri dhe më së fundmi në Gjermani. Profili i tij në Instagram është pasqyrë e kësaj periudhe udhëtimesh dhe qetësie, ku ndan me ndjekësit fotografi dhe përvoja të ndryshme.

Në veçanti, një foto të publikuar në profilin e tij zyrtar të Instagramit ka tërhequr vëmendjen e shumë prej ndjekësve të tij. Në foton në fjalë, Grezda shihet në prani të këngëtares shqiptaro-gjermane, Donna Dafi, e cila po feston ditëlindjen e saj. Eros ka qenë prezent në festën e saj të madhe, ku ka qenë i rrethuar nga shumë fytyra të njohura të botës së showbizz-it.

Foto: Eros Grezda/Instagram

Kjo shfaqje publike ka nxitur pyetje dhe spekulime nëse mund të jetë duke lindur një lidhje e re dashurie në jetën e Grezdas, apo nëse ishte vetëm një moment i thjeshtë miqësie në një festë private. Grezda njihet për lidhjet e tij të mëparshme me vajza të njohura të showbizz-it, kështu që nuk është çudi që ky takim të ngjallë interesin e ndjekësve dhe mediave.

Ndërsa ende nuk ka një përgjigje të qartë për këto pyetje, një gjë është e sigurt: Eros Grezda po shijon një periudhë të re të jetës së tij, të cilën po e jetojnë plotësisht. Pas një karriere të ngjeshur me presion dhe përkushtim, duket se ka ardhur koha që ai të gjejë qetësi dhe kënaqësi në çdo përvojë të re që i ofron jeta pas futbollit. /Telegrafi/