Prej 7 ditësh zjarrfikësit në luftë me flakët në Pishëporo, kërkohet ndërhyrje nga ajri

Edhe në ditën e 7-të të zjarrit, vijon ende beteja me flakët në masivin pyjor të Pishëporo-Darëzezë, ku forcat operacionale janë duke punuar për vënien nën kontroll të tyre.

Sipas shefit të shërbimit zjarrfikës të bashkisë Fier, Zija Hyka, vatra me problematike mëngjesin e kësaj të hëne mbetet Darëzeza.

Pranë vatrës së zjarrit ndodhen tre mjete zjarrfikëse, ndërkohë që ky masiv pyjor shtrihet përgjatë vijës bregdetare ku operojnë edhe lokale sezonale. Pritet ndërhyrja nga ajri me avionë Canadair pas kërkesës pranë mekanizmit europian të Mbrojtjes Civile, të cilës Greqia i është përgjigjur menjëherë pozitivisht.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb