Një 53-vjeçar me iniciale A.K është lënduar pasi është goditur nga një fadromë.
Policia njofton se fadroma ka qenë në vendin e quajtur “Plazhi” për të pastruar mbetjet liqenore, kur ka goditur aksidentalisht pushuesin.
Ngjarja ka ndodhur rreth orës 13:50 të kësaj të mërkure.
Pushuesi është dërguar në spital për mjekim, ndërsa drejtuesi i fadromës shtetasi D. P. është shoqëruar në Komisariat.
Pogradec/Informacion paraprak
Rreth orës 13:50, në vendin e quajtur “Plazhi”, mjeti fadromë që shërben për pastrimin e mbetjeve liqenore, me drejtues shtetasin D. P., 31 vjeç, ka goditur aksidentalisht shtetasin A. K., 53 vjeç (pushues), i cili si pasojë është dëmtuar dhe ndodhet në spitalin e Pogradecit, në kujdesin e mjekëve.
Ndërkaq, drejtuesi i fadromës, shtetasi D. P. është shoqëruar në Komisariat, për kryerjen e veprimeve të mëtejshme procedurale.
Grupi hetimor vijon punën për zbardhjen e rrethanave të kësaj ngjarjeje.