Radoiçiç godet me grusht ish-kryetarin e Mitrovicës së Veriut! Pamjet tregojnë momentin e sulmit

Kjo gjë tregohet në një vidoe të siguruar nga RTK, në të cilën shihet momenti kur Spiriç bie në tokë, pas goditjes së fortë që merr nga drejtuesi i sulmit terrorist ndaj policisë në Banjskë të Zveçanit më 24 shtator 2023.

Ngjarja ka ndodhur në një hotel, që sipas mediave kosovare, rezulton se është pronë e Radoiçiç-it. Ndërkohë po këto media shkruajnë se nuk ka ende asnjë denoncim në polici për këtë veprim.

Ai është akuzuar se ka udhëhequr grupin e armatosur serb në Banjskë të Zveçanit, ku mbeti i vrarë polici Afrim Bunjaku.

Nga ana tjetër Aleksandar Spiriç ka ushtruar detyrën e kryetarit të përkohshëm të Mitrovicës së Veriut nga viti 2020 deri në vitin 2023.

Radio Televizioni i Kosovës raporton se ka tentuar të kontaktojë me Spiriç, por ka qenë e pamundur.

Top Channel