Reese Witherspoon ha dëborë, por ndjekësit shqetësohen

Reese Witherspoon ka reaguar për të mbrojtur veten në rrjetet soçiale pasi ndjekësit e kritikuan që hante dëborë. Po, e lexuat saktë. Aktorja multimilionere me çmim Oscar pëlqen të hajë dëborë.

Disa ditë më parë, ylli  i kinemasë postoi një video në Tik Tok ku po  pinte “Chococcinno”, një pije të  përgatitur me dëborë të mbledhur në oborrin e shtëpisë, e shoqëruar me kafe të ftohtë dhe shurup çokollate e karameli të kripur.

Ndjekësit u dyzuan. Ne kemi dëgjuar “mos ha dëborën e verdhë”, por duket se edhe e bardha ka rreziqet e saj.

“Si dikush që u rrit në Minesota, mësuesit tanë gjithnjë shkrinin dëborën për të na treguar sa e pistë është që mos ta hanim! Ki kujdes!”, shkruhet në një koment.

“A jam i vetmi që shqetësohem që e mori nga makina?”, por në fakt Reese shpjegoi se e mori nga zgara.  Dhe pyetja e madhe: “Po sikur zogjtë të kenë kryer nevojat e tyre?”

Disa ndjekës i dolën në mbrojtje dhe thanë se “punë e madhe”, “një jetë ke” dhe “kam ngrënë dëborë kur isha fëmijë”.

47-vjeçarja ka postuar 3 video për t’iu përgjigjur shqetësimeve të fansave. “Ka shumë njerëz këtu që po thonë se dëbora është e pistë kështu që ne morëm dëborë nga kopshti, e shkrimë në mikrovalë dhe është e pastër. A është gabim? Nuk duhet të ha dëborë?”

Në një tjetër video, Reese tha: “Jemi në këtë kategorinë ‘një herë jeton’ dhe këtu bie dëborë ndoshta një herë në vit. S’e di! Gjithashtu dua të them diçka. Ishte e shijshme. Ishte shumë e mirë”.

Në videon e fundit, aktorja flet edhe për filtrimin e dëborës. “Nuk u rrita duke pirë ujë të filtruar. Ne pinim ujë nga rubrineti. Vendosnim gojën te rubinetin dhe ndonjëherë, si në verë kur ishte nxehtë, pinim   nga zorra. Ndoshta prandaj jam kështu. Pra ju po më thoni që duhet të filtroj dëborën përpara se ta ha? Thjesht s’mundem. Dëborë e filtruar. Nuk di si ta bëj”.

Po shkenca çfarë thotë?

Një flok dëbore formohet kur pikëzat e ftohta të ujit që ngrin në qiell krijojnë kristale akulli. Pasi ai formohet, nëse kushtet janë të duhurat, do të krijojë një flok  dëbore. Shkencëtarët thonë se mund të mbledhë edhe elementë të tjerë të atmosferës, si ndotësit.

Por disa prej tyre thonë se edhe në qytetet me shumë trafik, sasia e kimikateve që gjenden në dëborë nuk arrin nivele të dëmshme.

Një studim i vitit 2017 në Rumani zbuloi se dëbora që kishte vetëm gjysmë dite që kishte rënë mund të hahej  dhe më e sigurt ishte në muajt më të ftohtë. Por pas dy ditësh, dëbora nuk duhet të hahet, tha njëri prej profesorëve të Sapientia Hungarian University në Transilvani.

Pra duket se Reese është në rregull për momentin./tvklan.al