Rikthehet “O Sa Mirë” – sezoni i ri vjen në formatin e një ‘reallity show’

Seriali i dashur dhe ndjekur nga shumë shqiptarë, “O Sa Mirë”, ka bërë një rikthim të fuqishëm, por jo siç e kemi njohur më parë.

Duke bërë një kthesë nga formati origjinal i tij si një seri komike që trajtonte jetën e një grupi nxënësish në një shkollë, tani seriali vjen si një “reality show” i veçantë.

Në këtë rikthim të ri, aktorët e njohur të serialit hyjnë në një shtëpi bashkë, ku do të tregojnë jetën e përditshme dhe karakteristikat unike të vendit nga vijnë. Është një format që synon të theksojë diversitetin kulturor dhe social të trevave shqiptare, duke sjellë elementë të realitetit dhe të përditshmërisë në skenat që dikur ishin të mbushura me skriptë dhe dialogje të studiuara.

Spektakli, i cili tashmë ka arritur episodin e 184-të, duke llogaritur të gjitha episodet e mëparshme, moderohet nga Arbnora Ademaj, e cila sjell një energji dhe karizëm të ri në ekran.

Skenari i këtij formati të ri është nën kujdesin e talentit të Lirak Çelja, i cili ka qenë një ndër skenaristët kryesorë që ka dhënë jetë personazheve të dashur të “O Sa Mirë” që nga fillimet e tij.

Kjo ndryshim i madh në format vjen si një frymëmarrje e re për serialin, i cili tashmë ka një vend të veçantë në zemrat e shikuesve shqiptarë. Si një hap i guximshëm, ky rikthim pritet të sjellë një larmi emocionesh dhe situata të reja që do të pasqyrojnë realitetin e të jetuarit bashkë dhe të ndarjes së një hapësire nga individë me karaktere dhe kulture të ndryshme. /Telegrafi/