Roja në një muze u përpoq të hante një vepër arti – kamera regjistroi skenën e çuditshme nga Rusia

Një video e çuditshme nga një galeri e Moskës po qarkullon në rrjetet sociale, ku një roje sigurie tentoi të hante një vepër arti.

Javën e kaluar, organizatorët e ekspozitës së artit bashkëkohor në qendër të VDNKh vunë re se njërit prej instalacioneve i mungonte “protagonisti kryesor” dhe shikuan menjëherë pamjet nga kamerat e sigurisë. Të thuash se ata u tronditën nga pamja është një nënvlerësim.

Vepra e artit përfaqëson një tas me ujë me një peshk të ‘artë’ që vështron prej tij, ndërsa një tjetër përpiqet të arratiset dhe hidhet pranë imazhit të detit të hapur.

Instalacioni u emërua simbolikisht “Arratisja e peshkut të kuq” dhe mesa duket i ra në sy rojes ruse të sigurisë, raporton Oddity Central.

Në video shihet se ai i afrohet tasit me intrigë, pastaj e heq peshkun e kuq nga mbajtësja, e nuhat dhe tenton ta kafshojë.

Kur organizatorët e vunë re problemin, kontrolluan kamerat dhe më pas u përballën me rojen e sigurisë me zbulimin e çuditshëm.

Thuhet se ai ngriti supet dhe shpjegoi se kishte pasur një natë të rëndë me shumë pak gjumë dhe nuk e kuptonte se çfarë po bënte. Ai u pezullua menjëherë nga puna dhe instalacioni u kthye në hapësirën e ekspozitës pas disa ditësh. /Telegrafi/

Obezbeđenje muzeja probalo deo umetničke postavke pic.twitter.com/GylmobqAqd

— Rade Fantastični (@RFantasticni) February 9, 2024