1 year ago
17
Një grua ka pohuar se Russell Brand e sulmoi dhe ia humbi virgjërinë kur ajo ishte vetëm 16 vjeçe.
Gruaja e cilësuar si Alice, për të mbrojtur identitetin e saj, pohoi se ishte në një “marrëdhënie emocionale abuzive dhe kontrolluese” me Brandin, atëherë 31-vjeçar, për rreth tre muaj, u zbulua një hetim i përbashkët nga “The Sunday Times”, “The Times” dhe Channel 4 Dispatches”, shkruan DailyMail.
Ajo pohoi se ai mori virgjërinë e saj, ishte “i preokupuar” me faktin që unë isha “e pafajshme dhe e pastër” dhe shpesh i referohej asaj si “Fëmija”. Gruaja pretendon se ai e ndihmoi të krijonte gënjeshtra për të mashtruar prindërit e saj dhe e inkurajoi atë të fshehte lidhjen e tyre nga miqtë e saj.
Alice gjithashtu pohoi se aktori dhe komediani një herë e puthi nënën e saj para saj dhe, në një rast tjetër, “ia futi me forcë penisin në fyt” dhe “e bëri të ngulfatej”, duke e bërë të ndalonte vetëm pasi ajo e goditi me grusht në stomak.
Brandi është akuzuar për përdhunim, sulme seksuale dhe abuzim emocional gjatë një periudhe shtatëvjeçare.
Alice kujtoi se Brandi i kërkoi asaj të konfirmonte se ishte të paktën 16 vjeçe, mosha e lejuar në Mbretërinë e Bashkuar, përderisa ishin në takimin e tyre të parë. Ajo i tha hetimeve se ai tha: “Mua s’më plas fare nëse je 12 vjeçe! Unë duhet ta di ku qëndroj ligjërisht.”
Ajo pohoi se në fillim të lidhjes së tyre, Brand ishte “shumë simpatik dhe shumë i vëmendshëm”. Ajo tha se ai i dërgonte asaj mesazhe “fjalëshumë” dhe shpesh e linte atë të ndihej “e hutuar” dhe “e veçantë”.
Megjithatë, ajo pohon gjithashtu se ai ishte eksituar nga fakti se ajo ishte e virgjër, duke treguar se e quante “fëmija” e tij, e merrte në krahë si një fëmijë dhe ia përkëdhelte flokët. Më tej ajo pohoi se ai tha se ajo ishte “si kukulla ime e vogël”.
Brandi mohon me forcë akuzat dhe në një video të postuar në internet të premten, deklaroi se të gjitha marrëdhëniet e tij kanë qenë konsensuale, përpara se të akuzonte mediat për një “sulm të koordinuar”. /Telegrafi/
English (US) ·