Samsung njofton partneritetin me Lacoste për aksesorët e Galaxy Z Fold5, Flip5

Samsung njoftoi lansimin e aksesorëve Lacoste për pajisjet e saj më të fundit të palosshme – Galaxy Z Fold5 dhe Galaxy Z Flip5.

Partneriteti i ri është një “zhytje në kulturën urbane, duke investuar në botën e modës dhe sportit” dhe do të sjellë raste unike për dyshen e telefonave inteligjentë me logon legjendare të krokodilit, shkruajnë mediat e huaja, përcjell Telegrafi.

Fytyra e fushatës Samsung France X Lacoste është e famshmja në internet Sally dhe postera me fytyrën e saj po shfaqen tashmë në vende kyçe në të gjithë vendin, duke përfshirë të gjitha dyqanet e Samsung Experience dhe dyqanin kryesor Lacoste në Champs-Elysees.

Java e parë e partneritetit do të shënohet me një marrëveshje promovuese në faqen e internetit të Samsung France.

Çdo blerje e një telefoni inteligjent Galaxy Z Fold5 ose Z Flip5 do të vijë me një këllëf Lacoste falas dhe jo vetëm. /Telegrafi/