Sara Gjordeni dhe Bardhi po bëhen prindër?

Sara Gjordeni dhe Bardhi, ish-konkurrentët e edicionit të tretë të BBVA-s, po raportohet se do të bëhen prindër.

Lajmin fillimisht e ka raportuar Top Channel, derisa dyshja thuhet se këtë e kanë konfirmuar në emisionin “Cherry on Top” që do të transmetohet të premten.

Bardhi dhe Sara filluan romancën brenda shtëpisë së Big Brother VIP Albania dhe ishin ndër çiftet më të pikasur në shtëpi.

Sara u skualifikua për shkak të një konflikti fizik me Françeskën, ndërsa Bardhi doli për shkak të një problemi shëndetësor të nënës së tij.

Qëkur ishte banor i BBV3, Bardhi bëri deklarata të forta për Sarën duke thënë se e shihte si nënën e fëmijëve të tij.