Seanca ndaj Fredi Belerit, qytetari protestë te GJKKO, i drejtohet ambasadores greke: Po mbroni një vrasës!

Një qytetar ka protestuar sot në Apelin e GJKKO teksa po mbahej seanca ndaj kryetarit të zgjedhur të Bashkisë Himarë Fredi Beleri.

Në videon e siguruar nga gazetarja Klodiana Lala për “BalkanWeb” qytetari dëgjohet teksa i thotë ambasadores greke se po mbron një vrasës.

“Jeni kriminelë, ai është një vrasës. Po mbroni një vrasës. Ai është vrasës, turp t’i vijë”, tha qytetari.

Apeli i Posaçëm vendosi sot të lërë në burg sërish Belerin, i cili kërkoi lirinë teksa nuk i ka pranuar akuzat për blerje votash, për të cilat u arrestua 2 ditë para zgjedhjeve të 14 majit.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb