Shkon në tre numri i të vdekurve nga të shtënat në Roterdam të Holandës

Policia holandeze ka arrestuar një person të armatosur që vrau të paktën tre persona në të shtënat në dy raste në qytetin e Roterdamit.

Ata thonë se sulmuesi mashkull, 32 vjeç, hapi zjarr në një shtëpi përpara se t’ia vinte zjarrin dhe më pas sulmoi Qendrën Mjekësore Erasmus të qytetit të enjten, përcjell Telegrafi.

Ai ishte student në Universitetin Erasmus, i cili është i lidhur me spitalin.

🪦¡Muerte en Países Bajos!🇳🇱

Varias personas murieron en dos tiroteos registrados en la ciudad neerlandesa de #Roterdam, #PaisesBajos, protagonizados al parecer por un hombre que fue detenido posteriormente por la policía.#ElNuevoDiarioRD #Internacionales pic.twitter.com/sasHxFv6s1

— El Nuevo Diario (@elnuevodiariord) September 28, 2023

Në të shtënat e para mbetën të vrarë një grua 39-vjeçare dhe vajza e saj 14-vjeçare.

Një pedagog mashkull, 46 vjeç, u qëllua për vdekje në spital, gjithashtu.

Nuk dihen menjëherë motivet e sulmit.

Duke reaguar ndaj të shtënave, kryebashkiaku i Roterdamit, Ahmed Aboutaleb tha se “ne jemi të tronditur nga një incident i tmerrshëm”.

Dhe kryeministri holandez Mark Rutte shkroi në një postim në rrjetet sociale: “Mendimet e mia shkojnë për viktimat e dhunës, të dashurit e tyre dhe për të gjithë njerëzit që kanë qenë në frikë të madhe”. /Telegrafi/