Kryetari i Komunës së Suharekës, Bali Muharremaj, e ka nderuar me titullin ‘Qytetare Nderi’ këngëtaren Shkurte Fejza.
Këtë e ka njoftuar përmes një postimi të ndarë me ndjekësit në llogarinë e tij personale në Instagram.
Artistja e mirënjohur ka qenë e shoqëruar nga bashkëshorti i saj, Hajrush Behluli, ndërkohë që iu organizua edhe një ceremoni me shumë të pranishëm.
E njëjta së shpejti do të mbajë një koncert në Prishtinë me rastin e 50-vjetorit të karrierës së saj.
Ajo do të performojë më 8 qershor në Pallatin e Rinisë dhe Sporteve e një të tillë do ta mbajë edhe në Tiranë, më 20 qershor.
Shkurta ka një karrierë të bujshme artistike me albume të shumta, e disa prej tyre janë: “Ç’ke Kosovë që po lëshon za”, “Gurrë e shkrepa”, “Oj Kosovë oj nana ime”, “Vdekje s’ka”, “Jo nuk ndahet Mitrovica”, etj.
Ajo tashmë është një emër shumë i dashur për publikun me një zë të veçantë. /Telegrafi/