Shpërthimi i zjarreve në Greqi/ Vijnë përforcime nga Bullgaria, Çekia, Shqipëria dhe Rumania

Në ndihmë i ka ardhur zjarrfikëse nga Bullgaria, Republika Çeke, Shqipëria dhe Rumania.

295 zjarrfikës me 85 automjete, 16 njësi këmbësore si dhe 36 zjarrfikës kanë ardhur nga Bullgaria me 4 makina zjarrfikëse dhe dy mikrobusë, 64 zjarrfikës nga Çekia me gjashtë makina zjarri katër tonëshe dhe tre makina zjarri nëntë tonëshe. 56 zjarrfikës nga Rumania po operojnë nga toka me 10 automjete ujore dhe një autobus, 48 ​​zjarrfikës nga Shqipëria me pesë mjete uji dhe katër ndihmëse. Nga ajri për shuarjen e zjarreve po ndihmojnë dy avionë zjarrfikës dhe katër helikopterë zjarrfikës.

Rindezjet e vazhdueshme e zjarreve dhe paparashikueshmëria e fronteve të zjarrit, për shkak të erërave të forta që nuk kanë të ndalur asnjë ditë që nga shpërthimi i zjarrit në orët e para të së shtunës, janë kundërshtari i madh i përpjekjeve për të kontrolluar zjarrin.

Shpërthimet në zonën e Avrës dhe Atarnit pranë Egnatia Odos, të cilat u përhapën dje për vetëm dy orë, shkaktuan probleme të rënda në lëvizjen e qytetarëve.

Përpjekjet janë përqendruar në frontin e madh të Dadias që është më kritiku për përhapjen e mëtejshme të zjarrit. Tashmë që prej ditës së djeshme punonjësit e zyrës pyjore me asistencën e punonjësve pyjorë nga kooperativat pyjore, po përpiqen të krijojnë një zonë parandalimi zjarri lart në masën malore, duke përfituar nga pjesët që janë djegur, për të ndalur ecurinë e zjarr në drejtim të perëndimit.

Top Channel