Shqetësimet për rifillim të konflikteve? Macron flet për situatën në Kosovë: Dy shtetet të arrijnë marrëveshje

Gjatë qëndrimit të tij në Lozanë, Presidenti i Francës Emmanuel Macron pati një takim me studentët e Universitetit të Lozanës.

Sipas medias “24heures” gjatë fjalimit të tij, Macron u pyet nga publiku për situatën aktuale në Ballkan.

Macron gjatë diskutimit, raportohet se ka diskutuar edhe për tensionet në Kosovë.

“Tensionet janë qetësuar paksa tani”, tha ai.

Ai shpreson se drejtuesit e dy vendeve Kosovës e Serbisë ta pranojnë planin e hartuar që ndihmon në deeskalim të situatës dhe arritjen e një marrëveshje mes dy shteteve.

Megjithatë Macron ka frikë nga konfliktet etno-fetare që po zhvillohen në rajone të ndryshme të botës.

“Jam i shqetësuar për këto pjesë, por nuk kam frikë nga rifillimi i konfliktit në Kosovë”, përfundon ai.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb