4 months ago
12
Ngjarja e kapur nga kamerat e vëzhgimit ka ndodhur në Santa Marta në veri të Kolumbisë dhe ka shkaktuar reagim të furishëm nga publiku.
Shohim momentin kur një hajdut i zë pritë një të riu në pragun e shtëpisë dhe tenton t’i vjedhë çantën.
Megjithatë, ai nuk ka llogaritur në paraqitjen e nënës së viktimës.
Teksa i riu po luftonte me grabitësin, shfaqen dy të moshuar dhe tentojnë të ndërhyjnë, raporton Lakalle Blu Radio.
Nëna e guximshme kryen një manovër të habitshme dhe hidhet mbi hajdutin.
Ai përplaset me një veturë të parkuar dhe më pas ikën me një bashkëpunëtor që e priste me motor.
Akti i guximshëm i nënës shkaktoi reagimin e banorëve të Santa Martës, të cilët shprehin shqetësimin e tyre për shtimin e aktiviteteve kriminale. Ata kërkojnë një prani më të madhe të policisë në rrugë.
Autoritetet lokale thanë se do të përdorin pamjet për të identifikuar autorët përgjegjës. /Telegrafi/
English (US) ·