Situata e zjarreve në Fier/ Greqia i vjen në ndihmë Shqipërisë, Balla: Falenderojmë shtetin grek që iu përgjigj thirrje sonë

Ministri i Brendshëm, Taulant Balla ka falënderuar shtetit grek, që iu përgjigj kërkesës së vendit tonë për t’i ardhur në ndihmë për shuarjen e zjarrin në Pishë Poro dhe Darëzez në Fier.

“Faleminderit Greqisë, e cila në kuadër të Mekanizmit Europian të Mbrojtjes Civile ju përgjigj menjëherë kërkesës së Agjencisë sonë të Mbrojtjes Civile me një avion Canadair për ndërhyrje nga ajri në vatrat e zjarrit në Pishë Poro dhe Darëzezë në Fier”, shkruan Balla në Facebook.

Ministria e Mbrojtjes njoftoi më herët se Greqia i është përgjigjur kërkesës së Agjencisë së Mbrojtjes Civile të Shqipërisë me një avion Canadair për ndërhyrje nga ajri në vatrat e zjarrit në Fier.

Zjarri në Pishporo dhe Darëzezë të Fierit vijon të jetë aktiv për të gjashtën ditë me radhë, duke shkrumbuar një sipërfaqe të madhe pyjore.