Sulmet me dronë shkaktojnë ndërprerje të energjisë elektrike në disa qytete të Rusisë

Pesë vendbanime dhe një spital në rajonin jugperëndimor të Kurskut të Rusisë mbetën pa energji elektrike pas një sulmi me dron ukrainas, tha një zyrtar rajonal.

Në një postim në Telegram, guvernatori i Kurskut, Roman Starovoit tha se rajoni, i cili kufizohet me Ukrainën, ishte “sulmuar masivisht” nga dronët ukrainas.

Një dron hodhi eksploziv në një nënstacion elektrik në lagjen Belovsky, me që rast transformatori mori flakë, tha ai.

“Një prej transformatorëve mori flakë. Pesë vendbanimeve dhe një spitali iu ndërprenë energjia elektrike”, tha ai.

Ministria e Mbrojtjes e Rusisë njoftoi të premten se mbrojtja ajrore e saj kishte shkatërruar dhjetë dronë ukrainas mbi Kursk dhe një mbi rajonin Kaluga në jugperëndim të Moskës.

Ministria nuk dha asnjë dëshmi rreth këtyre pohimeve ndërsa nuk deklaroi as nëse ka viktima apo dëme materiale pas sulmeve të ukrainasve, raporton cnn.

Ndryshe, Ukraina ka bërë të ditur se kundërsulmet ndaj pozicioneve të pushtuesve rus do të vazhdojnë deri në ditën e çlirimit prej Rusisë. /Telegrafi/

In the #Kursk region, a drone dropped two explosive devices on a substation. The #Russian Ministry of Defense stated that air defense allegedly destroyed 11 drones at night – one over the territory of the #Kaluga region and 10 over the Kursk region. pic.twitter.com/dkgxU66877

— NEXTA (@nexta_tv) September 29, 2023