10 months ago
8
Megaylli i popit, 33-vjeçare, turneu masiv i së cilës fitoi statusin e saj miliardere këtë vit, mundi Vladimir Putin, Barbie, Mbretin Charles dhe Sam Altman, në listën e ngushtë për këtë nder.
Vitin e kaluar, ishte presidenti ukrainas Volodymyr Zelensky dhe “Fryma e Ukrainës” që kryesuan renditjen, pasi dominuan titujt që nga pushtimi i Rusisë.
“Kjo më bëri të ndihem më e lumtur, më krenare, dhe më e përmbushur në mënyrë kreative dhe më e lirë që kam qenë ndonjëherë… Ndihet si momenti i përparimit të karrierës sime, që ndodh në moshën 33-vjeçare”, tha Swift në një intervistë për revistën ikonike në të cilën ajo përshkruhet si një “rrëfimtare mjeshtërore e epokës moderne”, shkruan DailyMail.
Swift foli për të dashurin e saj yllin e NFL-së, Travis Kelce për herë të parë publikisht, duke ndarë lidhjen e nisur me një koment në ‘podcast’-in që ylli i futbollit ndan me vëllain e tij.
“E gjitha filloi kur Travis në mënyrë të këndshme më vendosi në ‘podcastin’ e tij. Filluam të shoqëroheshim menjëherë pas kësaj”, tha këngëtarja, duke shtuar se dalja e tyre e parë famëkeqe publike në një lojë nuk ishte takimi i tyre i parë.
Ajo shpjegoi: “Mendoj se disa njerëz mendojnë se e panë takimin tonë të parë në atë lojë? Ne kurrë nuk do ta kishim nisur me vështirësi një takim të parë.”
Fituesja 12 herë e çmimit “Grammy” pranoi gjithashtu vëmendjen që ka marrë kur ndoqi ndeshjet e tij me shefat e “Kansas City Chiefs”. /Telegrafi/
\
English (US) ·