Të shtëna me armë zjarri në Sarandë, arrestohet autori

Të shtëna me armë zjarri janë regjistruar mesditën e kësaj të marte në Sarandë. Policia raporton se bëhet fjalë për një qitje të pavullnetshme nga një person. Ky i fundit po udhëtonte me automjet në momentin kur ka shkrepur armën. Menjëherë pas ngjarjes ai ka braktisur automjetin dhe është larguar me vrap.

Arratisja ka zgjatur vetëm pak, pasi blutë e Sarandës kanë mundur të bien në gjurmët e tij.

Ndërkohë policia po punon për gjetjen e armës së zjarrit, pasi kur është larguar me vrap, ka hedhur armën e zjarrit.