Një 25-vjeçar është shpallur në kërkim pasi përplasi dje me makinë ish-kunatin e tij që lëvizte me motor, në aksin “Lezhë-Shëngjin, në vendin e quajtur “Kthesa e Knallës”.
Ngjarja fillimisht u raportua si aksident por më vonë policia zbuloi se 25-vjeçari ka dashur të vrasë kunatin, 32-vjeçarin me inicialet M. P, banues në Ishull-Shëngjin.
Shkak janë bërë konfliktet për zgjidhjen e martesës.
I riu e ka goditur disa herë, me automjet, motomjetin me të cilin po udhëtonte kunati i tij.
25-vjeçari i shpallur në kërkim është shtetasime inicialet A. U., banues në Lezhë.
Me cilësinë e provës materiale u sekuestruan automjeti dhe motomjeti që u përfshinë në këtë rast.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprën penale “Vrasja për shkak të marrëdhënieve familjare”, mbetur në tentativë.