Tesla teston durueshmërinë që ka Cybertruck ndaj plumbave duke e qëlluar automjetin me një armë Tommy – ky është rezultati

Tesla testoi kapacitetin antiplumb të Cybertruck-ut duke e qëlluar automjetin me një armë Tommy dhe një video e publikuar në rrjetin social X tregon rezultatin.

Kur e prezantoi Cybertruckun për herë të parë, Tesla pohoi se kamionçina elektrike ishte praktikisht e durueshme ndaj plumbave, transmeton Telegrafi.

Natyrisht, xhami i blinduar i Tesla-s nuk e kaloi testin e topit të çelikut në eventin e zbulimit, por Tesla duket se ende është serioz në lidhje me Cybertruck për të pasur njëfarë niveli të rezistencës ndaj plumbave.

BREAKING: Cybertruck seen on the highway potentially gone through bullet proof testing 📐👽🤯

Seen by member of the club. pic.twitter.com/wBr9mNrLl7

— Tesla Owners Silicon Valley (@teslaownersSV) October 20, 2023

Një përdorues publikoi një video të Tesla Cybertruck në rrugë që ishte qëlluar në një test të dukshëm kundër plumbave.

CEO i Tesla-s, Elon Musk komentoi videon duke konfirmuar se e qëlluan Cybertruckun me një armë Tommy për testimin e rezistencës së kamionçinës. /Telegrafi/