1 year ago
29
Forcimi i lekut ka shpëtuar qytetarët dhe bizneset nga rritja e normave të interesit dhe i ka kursyer atyre rreth 92 miliardë lekë në dy vite apo 900 milionë euro, që do t’i paguanin si shpenzime për kreditë e rritura.
Në raportin e politikës monetare, Banka e Shqipërisë thotë se vendi ynë ka normën më të ulët të inflacionit në rajon, ku leku i fortë ka ndihmuar për ta zbutur me 2.5 pikë, dhe kjo po mbështet rritjen e ekonomisë dhe konsumin e familjeve. Më tej, Banka analizon se leku është forcuar ndaj euros për tre arsye kryesore të cilat janë përmirësimi ekonomik, rritja e besimit te monedha kombëtare dhe flukset e shtuara valutore. Investimet e huaja direkte dhe të ardhurat nga turizmi janë në nivele rekord sipas Bankës.
Insitucioni monetar shprehet se ulja e inflacionit në nivelin 3% është prioriteti kryesor i politikës monetare
Në një historik të bërë kursit të këmbimit, Banka vlerëson se leku ka vijuar të forcohet që nga 2016 pa u ndalur, ndërsa dy vitet e fundit presionet mbi euron janë shtuar edhe për shkak të pasigurisë ekonomike në eurozonë si dhe rritjes së ashpër të normave të interesit nga Banka Qendrore Evropiane.
Top Channel
English (US) ·