Ukraina beson se SHBA do ta furnizojë me raketa të fuqishme me rreze të gjatë ATACMS

11 months ago 20
Reklamë

Ministri i Jashtëm ukrainas ka shprehur besimin se SHBA do të furnizojë këtë vend me raketa të fuqishme me rreze të gjatë të quajtur ATACMS.

Është “vetëm çështje kohe” përpara se Ukraina të marrë armën Lockheed Martin, tha Dmytro Kuleba për Interfax-Ukraine, shkruan Sky News, përcjell Telegrafi.

Ndryshe nga Storm Shadow e Mbretërisë së Bashkuar, ATACMS është një raketë balistike e lëshuar nga toka që mund të lëshohet nga lëshuesit e lëvizshëm.

“Jam i bindur se furnizimi i Ukrainës me raketa ATACMS është çështje kohe dhe kjo do të zgjidhet ashtu siç kemi zgjidhur me sukses problemet me llojet e tjera të armëve më parë”, citohet të ketë thënë Kuleba.

Ndryshe, NBC News raportoi se Joe Biden i kishte thënë Volodymyr Zelenskyt se raketat ATACMS do të ofroheshin për Ukrainën, duke cituar zyrtarë amerikanë.

Megjithatë, Shtëpia e Bardhë dhe Pentagoni refuzuan të komentojnë raportimin. /Telegrafi/

Read Entire Article