Valentino, sfilatë në një kështjellë franceze

Marka italiane e modës prezantoi koleksionin e ri

Shtëpia italiane e modës Valentino zgjodhi të mbante sfilatën e radhës në kështjellën Chateau de Chantilly, në veri të Parisit, që konsiderohet nga xhevahiret më të bukura të trashëgimisë kulturore të Francës.

Kështjella historike e shekullit të 16-të dikur që i përkiste një prej familjeve fisnike franceze më të vjetra u dëmtua gjatë Revolucionit Francez, por u restaurua më vonë.

Sfilata e markës italiane u hap me modelen Kaia Gerber, vajza e Cindy Crawford e cila u pa e veshur me një këmishë të bardhë dhe xhinse të gjera.

Modelet zbritën ngadalë shkallët prej guri të kështjellës nën ritmet e zërint melankolik të këngëtares Anohni. Koleksioni i Valentinos ishte i shumëllojshëm, jo vetëm në veshje, por edhe në ngjyra.

Stilisti Pierpaolo Piccioli doli në fund të sfilatës për të përshëndetur publikun, i shoqëruar nga i gjithë stafi i tij, rreth 80 persona gjithsej.

Klan News

Të ngjashme