3 months ago
10
Më shumë se 50 persona kanë vdekur në Indi gjatë tre ditëve të fundit, pasi një vapë brutale e të nxehtit vazhdon të përfshijë disa pjesë të vendit.
Rreth 33 persona vdiqën në shtetin verior të Uttar Pradesh gjatë fundjavës për shkak të të nxehtit, transmeton Telegrafi.
Në shtetin Odisha (Orissa), rreth 20 persona vdiqën për shkak të goditjes nga nxehtësia, tha një zyrtar për agjencinë e lajmeve ANI.
Shumë nga këto vdekje u raportuan më 1 qershor, ndërsa India votoi në fazën e fundit të votimit për zgjedhjet e saj të përgjithshme.
Rezultatet e zgjedhjeve pritet të shpallen më 4 qershor.
Çdo pesë vjet, India mban zgjedhjet e saj të përgjithshme në muajt prill dhe maj.
Por këtë vit, temperaturat kanë qenë rekord, ku vendi po përjeton valë të nxehta të shpeshta, më intensive dhe më të gjata.
Ministria federale e Shëndetësisë thotë se ka pasur të paktën 56 vdekje të konfirmuara nga goditjet e nxehtësisë nga 1 marsi deri më 30 maj. Gjatë kësaj periudhe janë raportuar rreth 24,849 raste të goditjes nga nxehtësia. /Telegrafi/
English (US) ·