1 year ago
6
Liria ka ndërprerë ecurinë fantastike të Dritës me pesë fitore radhazi në kampionat.
Ndeshja e zhvilluar në Gjilan mes Dritës dhe Lirisë në fund nuk solli fitues, pasi përfundoi baras 1-1.
Trajneri i Dritës, Akis Vavalis tha pas ndeshjes se disa futbollistë të tij u treguan shumë egoistë duke mos pasur në momentet finale.
“Kishim shumë shanse, por nuk shënuam. Kur nuk shënon natyrisht vjen dënimi. Blerim Krasniqi ka pasur një problem në pjesën e parë dhe është dashur ta zëvendësojmë”.
“Jam i kënaqur me disa lojtarë, por në përgjithësi nuk jam i kënaqur pasi ishim egoistë dhe kjo na kushtoi”, ka thënë Vavalis.
Ndeshja e radhës e Dritës është në udhëtim te Ballkani, derisa Vavalis tha se nuk kanë shumë kohë për tu përgatitur.
“Secila ndeshje është e rëndësishme. Tani e kemi derbin, por nuk kemi shumë kohë të përgatitemi”, deklaroi Vavalis. /Telegrafi/
English (US) ·