VIDEO/ Momenti kur policët zgjojnë një çift amerikan të dehur në plazh! Fëmijët e tyre nuk janë askund

Ata dyshohet se u dehën dhe ranë në gjumë në plazh, duke lënë dy fëmijët e tyre të vegjël, pesë dhe shtatë vjeç, pa mbikëqyrje.

Deputetët e Zyrës së Sherifit të Qarkut Volusia në Florida u përpoqën disa herë të zgjonin Alicia Langley dhe të fejuarin e saj Timothy Stevens, por dy 27-vjeçarët kishin konsumuar një sasi të madhe alkooli dhe ishin në një letargji të thellë.

Në videon e publikuar çifti shihet duke fjetur, kur në vendngjarje ka mbërritur policia, e cila tenton t’i zgjojë duke bërtitur mbi kokë dhe duke i tundur. “Ne jemi nga zyra e Sherifit! Zgjohuni!” Në videon e postuar nga Fox 35 dëgjohet një oficere policie duke bërtitur.

Kur më në fund arrijnë t’i zgjojnë, si burri ashtu edhe gruaja janë dukshëm të hutuar. Një polic dëgjohet duke i pyetur se ku janë fëmijët e tyre. Stevens thjesht bën shenjë drejt detit ndërsa ai pengohet në rërë.
Për fat të mirë, dy fëmijët e vegjël të çiftit, u gjetën shëndoshë e mirë në pishinën e hotelit aty pranë.

Duke komentuar arrestimin, sherifi i qarkut Volusia tha se nuk mund ta kuptonte se si mund të ekzistonin prindër të tillë të papërgjegjshëm.

Sipas New York Post, Stevens (i cili nuk është babai biologjik i fëmijëve, por ka marrë rolin e kujdestarit të tyre) u përpoq të ikte kur policia i hoqi prangat, por pasi eci disa metra ai u pengua dhe ra në rërë. Përveç tentativës për arratisje, ai akuzohet edhe për posedim të pijeve alkoolike në plazh.

Couple arrested in Florida after passing out drunk on the beach and losing their children…

Please don’t have kids if you are irresponsible.
pic.twitter.com/WDjeEMP42Z

— DramaAlert (@DramaAlert) March 19, 2024

Top Channel