Vittoria Ceretti mahnit publikun me një fustan të kuq të ndezur në pistën e “Valentino” gjatë Javës së Modës në Paris

E dashura e fundit e Leonardo DiCaprios, Vittoria Ceretti, mahniti në një ansambël “të egër” teksa hyri në pistën e “Valentino” gjatë Javës së Modës në Paris të dielën në mbrëmje.

Bukuroshja italiane, 25 vjeçe, i kishte gjithë sytë tek ajo me një fustan të kuq të prerë, i cili kishte një dekolte dhe një dizajn lulesh, shkruan DailyMail.

Leonardo, 48 vjeç, i famshëm për lidhjet vetëm me femra 25 vjeçe e lart dhe Vittoria u lidhën për herë të parë këtë verë dhe janë parë në të njëjtën festë këtë javë në Paris.

Në pasarelë Vittoria shfaqi trupin e saj të tonifikuar dhe bashkoi fustanin me sandale rozë, ndërsa flokët e saj të errëta ishin të lëshuara e të kapura me xhel.

Leonardo dhe e dashura e tij e re modelja Vittoria u panë duke shijuar një natë së bashku në Paris të enjten.

Fituesi i Oscarit i qëndroi besnik ansamblit të tij tashmë standard, tërësisht të zi, ndërsa u përpoq të qëndronte nën radar ndërsa mbërrinte në një festë të organizuar nga pronari i klubit të natës Richie Akiva.

Vittoria mbërriti me një qëllim krejtësisht të ndryshëm, pasi kishte veshur një mini fustan blu vezullues ‘vinyl’ që theksonte figurën e saj të hollë dhe mbante vëmendjen tek ajo.

Leo duket se ka hyrë i ndarë nga e dashura e tij italiane.

Aktori i “Wolf Of Wall Street” u fotografua duke hyrë në restorantin Manko përmes asaj që dukej të ishte një hyrje e ulët e pasme.

Në fillim të kësaj jave, një burim i afërt me çiftin pohoi për Page Six se romanca e tyre po thellohej me kalimin e vitit.

“Ata kanë kaluar mjaft kohë së bashku gjatë muajve të fundit dhe po kënaqen duke e njohur njëri-tjetrin në një nivel më të thellë”, thanë ata. /Telegrafi/