Vrasja e Liridona Murselit, Rrjeti i Grave të Kosovës ngre shqetësimin: Mund të jetë femicid. Të zbardhet ngjarja!

Rrjeti i Grave të Kosovës ka reaguar për vrasjen e Liridona Murselit, me organizim të  bashkëshortit të saj, Naim Murseli.

Në një postim në rrjetin social Facebook, RrGK kërkon zbardhjen e[plotë të vrasjes së 33-vjeçares, ndërsa e quan atë si një femicid.

Reagimi i plotë:

𝐑𝐫𝐆𝐊 𝐤𝐞̈𝐫𝐤𝐨𝐧 𝐪𝐚𝐬𝐣𝐞 𝐭𝐞̈ 𝐝𝐫𝐞𝐣𝐭𝐞̈ 𝐭𝐞̈ 𝐳𝐛𝐚𝐫𝐝𝐡𝐣𝐞𝐬 𝐬𝐞̈ 𝐯𝐫𝐚𝐬𝐣𝐞𝐬 𝐬𝐞̈ 𝐋𝐢𝐫𝐢𝐝𝐨𝐧𝐚 𝐌𝐮𝐫𝐬𝐞𝐥𝐢𝐭

RrGK shpreh shqetësimin që edhe një rast i vrasjes së gruas, dyshohet te jetë femicid. Pas lajmit për arrestimin e bashkëshortit të viktimës Liridona Murselit, e vrarë më 29 nëntor në fshatin Sinidoll, afër Prishtinës, Rrjeti i Grave të Kosovës (RrGK) kërkon që hetimi i këtij rasti të trajtohet me urgjencë dhe qasje të drejtë për ta zbardhur këtë tragjedi.

RrGK kërkon nga institucionet që lënda të cilësohet si “Vrasje e rëndë” dhe të dënohet konform Kodit Penal të Republikës së Kosovës. Ftojmë Qendrën për Punë Sociale që të angazhohet për të siguruar mirëqenien e fëmijëve.

RrGK kërkon hetim të këtij rasti deri në provën e fundit si dhe kërkon dënim maksimal ndaj të akuzuarit. Gjithashtu, RrGK do të monitorojë reagimin instituconal ndaj këtij rasti dhe ndaj të gjitha rasteve të dhunës me bazë gjinore.

RrGK mbetet e hapur ndaj bashkëpunimit dhe ndihmës për viktimat e dhunës me bazë gjinore përmes këshillimit ligjor falas dhe referimit tek institucionet relevante.

Nëse keni nevojë për ndihmë juridike falas për rastet e dhunës me bazë gjinore, apo njihni dikë që ka nevojë, na kontaktoni në numrin: 048 105 800.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb