Marrëveshja e grurit në Detin e Zi ishte një temë e rëndësishme e diskutimit gjatë një takimi të sotëm të Volodymyr Zelenskyy dhe ministrit të jashtëm turk Hakan Fidan.
Dyshja u takuan në Kiev për të diskutuar “shumë çështje të rëndësishme”, tha presidenti i Ukrainës.
Dalja e Rusisë nga marrëveshja e grurit, e cila kishte lejuar eksportin e sigurt të grurit ukrainas nga portet e Detit të Zi, ishte në krye të axhendës, si dhe “formula e paqes” e Ukrainës dhe përgatitjet e saj për një Samit Global të Paqes në vjeshtë.
Ankaraja po shtyn që Moska të kthehet në marrëveshjen e Detit të Zi, e cila u ndërmjetësua nga Turqia dhe OKB në korrik të vitit të kaluar.
Më herët, Kremlini tha se Vladimir Putin dhe homologu i tij turk Recip Tayyip Erdogan do të zhvillojnë bisedime personalisht së shpejti, por nuk tha se ku do të takohen liderët.
Top Channel