Zgjedhjet në Himarë/ Gjikuria apo Tavo, ja kur pritet të shpallet rezultati

Në Himarë po zhvillohen zgjedhjet për Kryebashkiakun e ri, ndërsa në garë janë Petro Gjikuria si kandidat i opozitës dhe Vangjel Tavo nga Partia Socialiste. Procesi zgjedhor ka nisur në orën 07:00 dhe sipas ligjit përfundon në orën 19:00/ Por kur pritet të dalë rezultati i zgjedhjeve për Bashkinë e Himarës?

Komisioneri Shtetëror për Zgjedhjet, Ilirjan Celibashi, tha se shpreson që procesi i numërimit të përfundojë në orët e para të 5 gushtit, por gjithçka do të varet se si do të ecë procesi.

Gjithasesi Celibashi vuri theksin te respektimi i standardeve, ndërsa kujtoi se bazuar në Kodin Zgjedhor, procesi i numërimit duhet të ketë përfunduar maksimumi në orën 22:00 të datës 5 gusht.

Komisioneri Shtetëror për Zgjedhjet e konsideroi të vështirë procesin e numërimit, ndërkohë që janë ngritur 4 grupet e numërimit të votave. Celibashi, referuar procesit të votimit, tha se deri më tani pajisjet e identifikimit të votuesve nuk kanë krijuar asnjë problematikë.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb