Zjarr në një objekt ku po zhvillohej një dasmë në Irak, 113 të vdekur dhe mbi 150 tjerë të lënduar

Të paktën 100 persona humbën jetën dhe 150 tjerë u lënduar në zjarrin që shpërtheu gjatë një dasme në qarkun Hamdaniya në Irak, kanë bërë të ditur mediat e atjeshme, raporton Reuters.

Burime lokale pretendojnë se numri i viktimave mund të jetë akoma më i madh. Mbi 450 humbën jetën dhe u lënduan në zjarrin që shpërtheu në dasmën e organizuar nga gjysma hëna e kuqe, thuhet në platformën X, transmeton Telegrafi.

Nayim al-Jabouri, guvernatori i rajonit Ninevenh ku shpërtheu zjarri, më herët ka thënë se nuk ka të dhëna finale për viktimat, duke sugjeruar se numri i viktimave mund të jetë më i madh.

Zëvendësguvernatori i Nineveh, Hassan al-Allaq gjithashtu ka thënë për Reuters se janë të konfirmuar si të vdekur 113 persona.

Sipas mbrojtjes civile, zjarri kaploi oborrin ku po zhvillohej një dasmë, kur u ndezën fishekzjarrët gjatë ceremonisë.

Korrespondenti i Reuters nga vendi i ngjarjes thotë se zjarrfikësit janë ngjitur në objekt për të kërkuar të mbijetuarit e mundshëm.

Sipas informacioneve të para, thuhet se ndërtesa është ndërtuar nga materiale ndezëse që i kontribuoi dukshëm përshpejtimit të shembjes së objektit.

“Zjarri bëri që të shemben pjesë të objektit si rezultat i materialeve të lira dhe ndezëse, që janë përdorur gjatë ndërtimit të objektit”, raportuan mediat e atjeshme. /Telegrafi/

الهلال الاحمر العراقي : ارتفاع عدد الضحايا والمصابين الى اكثر من ٤٥٠ شخصا جراء حريق قاعة اعراس في قضاء الحمدانية شرقي الموصل pic.twitter.com/f2FjLil9rw

— الهلال الاحمر العراقي (@iraqircs) September 27, 2023

🚨 BREAKING: More than 500 injured, 100 killed in wedding hall fire in Iraq. pic.twitter.com/GnHCXjtehG

— {Matt} $XRPatriot (@matttttt187) September 27, 2023

Iraq- At least 100 people have died and 150 others injured after a fire broke out at a wedding in northern Iraq🥲
Early reports say it broke out after fireworks were lit.-BBC #IraqWeddingFire #Pray #RIP 🙏pic.twitter.com/FR7IjelZji

— Sri Lanka Tweet 🇱🇰 (@SriLankaTweet) September 27, 2023

#BREAKING #Iraq One hundred people were killed at a wedding in a fire in northern Iraq, and another 150 were injured. pic.twitter.com/MXXEB8VAt6

— The National Independent (@NationalIndNews) September 26, 2023