A është drejt zbardhjes enigma e zhdukjes së Ervis Martinajt? Ministri Balla: Ka shumë informacione të reja për të

Kanë kaluar mbi një vit e gjysmë që nuk dihet asgjë mbi fatin e të shumëkërkuarit, Ervis Martinajt, që në kohen kur të afërmit e tij denoncuan se humbën kontaktet me të, verën e vitit të kaluar.

Ministri i Brendshëm, Taulant Balla u shpreh se ka shumë informacione të reja në lidhje me këtë çështje, por u shpreh i rezervuar, pasi informacionet janë të klasifikuara.

I ftuar në emisionin “Opinion”, Balla deklaroi se “Policia e Shtetit ka një pistë shumë të rëndësishme dhe besueshme përmes së cilës synon që të zbardhë gjithë këtë ngjarje dhe është në rrugën e duhur”.

Pyetje: A ka informacione policia e shtetit, ministria e Brendshme edhe sipas një porosie të kryeministrit për të zbardhur enigmën e zhdukjes së Ervis Martinajt, ka ndonjë informacion?

Balla: Ka shumë informacion të ri, por do kërkoja mirëkuptim që deri në momentin e konkludimeve nga ana e Policisë së Shtetit, qoftë për autorët, qoftë edhe për vendin ose dyshimet ku është kryer nëse është kryer kjo vepër penale do të hesht.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb