A ke qenë në Qeparoin e vërtetë, fshatin më të bukur të Bregut?

Qeparoi fushë, nga kalojnë e bëjmë plazh, është ndërtuar në vitet ‘60. Qeparoi fshat, që dallohet si kështjellë maj malit nga rruga kryesore, mbretëron me kalldrëmet e ndërtimet karakteristike, me një pamje dominuese të fushës, plazhit e Luginës. Mirëpo, edhe ai Qeparo nuk ëshrë origjinali.

Qeparoi origjinal, gërmadhat e të cilit ende mbijetojnë, është edhe disa qindra metra mbi Qeparoin fshat (të Sipërm), dhe është shpopulluar 400 vite më parë, kur u krijua Qeparoi i Sipërm.