Aksident trafiku mes një autobusi dhe veture në Beograd, humb jetën një person dhe mbi 40 tjerë lëndohen

Në një aksident trafiku mes një autobusi dhe një veture në Pozharevc në afërsi të Beogradi, ka humbur jetën shoferi i veturës si dhe janë lënduar mbi 40 persona tjerë.

Aksidenti ka ndodhur rreth orës 5:30, kanë bërë të ditur nga ministria e Brendshme e Serbisë, transmeton Telegrafi.

Sipas të dhënave të policisë serbe, 36 të lënduarit gjenden në qendrën emergjente të Beogradit, kurse 12 tjerë janë dërguar në spitalin ushtarak.

Ministri i Brendshëm, Ivica Daçiq, i ka bërë thirrje të gjithë pjesëmarrësve në komunikacion që të jenë më të kujdesshëm, dhe ka theksuar se janë shtuar kontrollet në komunikacion nga java e kaluar.

Deri më tani nuk dihen shkaqet që çuan deri te ky aksident, nga i cili humbi jetën një person dhe dhjetëra tjerë u lënduan. /Telegrafi/