Aktorja e serialit “General Hospital” gjendet e vdekur në një fushë në Kaliforni

Aktorja Robyn Bernard, e njohur më së shumti për rolin e saj në “General Hospital”, u gjet e vdekur në një fushë prapa një biznesi në San Jacinto, Kaliforni.

Ajo ndërroi jetë në moshën 64 vjeçare.

Policia zbuloi trupin e aktores të martën në mëngjes në një “fushë të hapur pas një biznesi” në San Jacinto, Kaliforni, sipas një njoftimi për shtyp të Zyrës së Sherifit të Qarkut Riverside.

Robyn Bernard

Ajo u shpall e vdekur në orën 4:08 të mëngjesit me orën lokale.

Shkaku i vdekjes ende nuk është përcaktuar dhe rezultatet e toksikologjisë do të zgjasin disa javë.

Robyn Bernard

Policia thotë se nuk po e trajton vdekjen si të dyshimtë.

Bernard njihet më shumë për rolin e saj shumëvjeçar në telenovelën “General Hospital”, e cila tregon për jetën e qytetarëve të qytetit imagjinar të Port Charles në veri të New Yorkut.

Robyn Bernard

Robyn luajti personazhin e Terry Brock, vajzës së DL Brock, një prej keqbërësve kryesorë. Ajo u shfaq në 145 episode gjatë gjashtë viteve.

E ndjera luajti për herë të fundit në vitin 2002 në “Voices from High School”.

Robyn Bernard

Pas kësaj, ajo u largua nga qendra e vëmendjes. /Telegrafi/