Ansu Fati gjen golin e parë në Ligën Premier me fanellën e Brightonit

Sulmuesi spanjoll, Ansu Fati ka shkruar emrin e tij në listën e shënuesve në kampionatin elitar anglez, Ligën Premier.

Fati kaloi te Brightoni në ditët e fundit të afatit kalimtar veror si huazim njëvjeçar pa mundësi blerje nga Barcelona.

Talenti spanjoll fillimisht nuk arriti të luante shkaku që nuk ishte i gatshëm 100 për qind, ndërsa në ndeshjet e fundit mori minuta gradualisht.

Megjithatë, 20-vjeçarit nën pronësi të Barcelonës i janë nevojitur vetëm tri ndeshje për të shënuar emrin në listën e golashënuesve.

46' 🔄 Ansu Fati replaces Evan Ferguson
50' ⚽️ Scores his first #PL goal for Brighton

An early confidence boost for @OfficialBHAFC in the second half? 👀#AVLBHA pic.twitter.com/jNs2WWqDOZ

— Premier League (@premierleague) September 30, 2023

Ansu Fati ka gjetur sot (e shtunë) golin e parë me Brightonin në ndeshjen ndaj Aston Villës, e vlefshme për javën e shtatë.

Spanjolli u inkuadrua në fillim të pjesës së dytë dhe shënoi në minutën e 50-të nga afërsia për ta ngushtuar epërsinë në 3-1. /Telegrafi/

🚨🚨| GOAL: Ansu Fati gets one back

Aston Villa 3-1 Brighton

pic.twitter.com/yZ9j5wPnzu

— CentreGoals. (@centregoals) September 30, 2023