7 months ago
6
Ish-trajneri i Anthony Joshuas ka bërë një tjetër goditje ndaj boksierit britanik – duke pretenduar se kampi stërvitor ishte i tmerrshëm kur ata punonin së bashku.
Trajneri Robert Garcia u soll nga AJ në 2022 pas humbjes së tij të parë ndaj Oleksandr Usyk.
Dhe pasi ukrainasi fitoi revanshin, Garcia ishte publikisht kritik ndaj Joshuas gjë që çoi në shkarkimin e tij nga kampi.
AJ-t iu tha më pas se ai kishte nevojë për një “kamp më të modernizuar” pas vlerësimit nga amerikani.
Një tjetër thumbim u bë më pas nga Garcia pasi ai pretendoi se fituesi i medaljes së artë olimpike 2012 do të humbiste ndaj Gervonta Davis.
Armiqësia midis Garcias dhe Joshuas, i cili më parë tha se trajneri i tij i parë Rob McCracken nuk i mësoi atij mbrojtjen, duket se është i ndërsjellë.
Ylli 34-vjeçar i lindur në Watford, i cili u rikthye nga humbjet prej Usykut, duke fituar me një vendim unanim ndaj Jermaine Franklin përpara një nokauti në raundin e shtatë të Robert Helenius dhe një fitore në pesë raunde ndaj Otto Wallin, ka pohuar se ai nuk kishte mësuar asgjë nga Garcia.
Por, Garcia iu kundërpërgjigj në mënyrë edhe më brutale kur u pyet për mendimet e tij mbi komentet e AJ-së gjatë një paraqitjeje në podcastin Little Giant Boxing.
Ai tha: “Unë vërtet nuk i kushtoj vëmendje kësaj. Nuk e dëgjova. Dikush ma lexoi, por për mua, ky është boksi”.
“Kur je me një luftëtar çdo gjë shkon mirë, atëherë në fund diçka nuk shkon dhe fajtori i parë është trajneri”.
“Një gjë do t’ju them, kur shkova për herë të parë në kampin stërvitor në Londër, javën e parë, kishte gjëra që ata po bënin, njerëz të përfshirë, thjesht nuk është stili im”.
“Dhe sinqerisht i kam të gjitha emailet ku i thashë ekipit të menaxhimit, të lutem më ktheni në shtëpi, ishte një shaka”, ka shtuar më tej ai.
Joshua tani po përgatitet për një përplasje të madhe në peshën e rëndë me ikonën e UFC, Francis Ngannou. /Telegrafi/
English (US) ·