Atalanta e Gjimshitit zhgënjen ndaj Celtic, Leverkusen barazon në Champions

Atalanta nuk ka shkuar më shumë se një barazim pa gola në shtëpi, ndaj Celtic, në ndeshjen e vlefshme për xhiron e 3-të të fazës së ligës. Skuadra nga Bergamo dominoi në këtë ndeshje, por pavarësisht përpjekjeve, nuk ia doli dot të shënojë. Titullar, ishte edhe mbrojtësi i kombëtares, Berat Gjimshiti.

Djemtë e Gasperinit renditen në vendin e 12-të. Celtic është i 18-ti.

Barazim 1-1 mes Brest dhe Leverkusen. Kampionët e Gjermanisë realizuan me Wirtz, ndërsa francezët u përgjigjën me Lees. Sa i takon renditjes, Brest është në vendin e 3-të, sakaq të besuarit e Alonsos në vendin e katërt.