Atletico Madridi prezanton blerjen e re, atë e kishte kërkuar me ngulm edhe Barcelona

Atletico Madrid ka kompletuar blerjen e tyre të dytë në afatin dimëror, teksa atyre iu është bashkuar mesfushori Arthur Vermeeren nga ekipi belg Royal Antwerp.

Reprezentuesi belg kishte impresionuar me paraqitjet e tij në dy sezonet e fundit me Antwerpin, dhe kjo kishte bërë që 18-vjeçari të tërhiqte interesim nga disa klube anembanë Evropës.

Barcelona ishte një ndër ekipet më të interesuara për shërbimet e tij, por bisedimet me Antwerpin ngecën në fund të vitit 2023, dhe këtë e kishtë shfrytëzuar më së miri Atletico që arritën një marrëveshje për transferimin e Vermeeren.

🇧🇪 ¡Arthur Vermeeren ya es rojiblanco! ❤️🤍

🖊 El internacional belga ha firmado con nuestro club por lo que resta de temporada y seis campañas más.

🔗 https://t.co/4F3ig0E1Ui

🤩 ¡#BienvenidoVermeeren! pic.twitter.com/1a6opScwGQ

— Atlético de Madrid (@Atleti) January 26, 2024

Vermeeren konsiderohet si një blerje shumë e rëndësishme për Diego Simeonen, për t’i dhënë atyre një shtysë të madhe në pjesën e dytë të sezonit.

Marrëveshja sipas raportimeve të fundit është mbyllur për shumën e 22 milionë eurove plus pesë milionë euro bonuse, varësisht nga performancat e lojtarit.

Ai do të mbajë numrin 18 në fanellë dhe mund të bëjë debutimin e tij këtë vikend, kur Atletico Madrid do të jetë nikoqire e Valencias në “Civitas Metropolitano”./Telegrafi/

🚨 Antwerp retains 10% of any future sale for Arthur Vermeeren.@MatteMoretto https://t.co/f9W1B2aEGA

— Atletico Universe (@atletiuniverse) January 26, 2024