Paralajmërimi i ministrit të Brendshëm pas aksidentit të efektivit
Ashpërsim të Kodit Rrugor për shkelësit e rregullave të qarkullimit. Ishte ky paralajmërimi i ministrit të Brendshëm, Taulant Balla dhënë nga Spitali i Durrësit aty ku vizitoi efektivinn e policisë teksa kalonte tek vizat e bardha.
“Propozime të reja për ndryshime të reja në Kodin Rrugor, sepse e vërteta është që nuk mund të përballohet dot një situatë e tillë e sigurisë rrugore pa rritur ndëshkimet për gjithë shkelësit”.
Duke u ndalur tek gjendja shëndetësore e efektivit të Policisë së Durrësit, 20-vjeçarit Mariglen Allka, ministri tha se fatmirësisht ai do t’i bashkohet shumë shpejt flotës së policisë.
“Nuk ka dëmtime të pakthyeshme dhe gjendja e tij shëndetësore paraqitet tepër e mirë”.
Efektivi i policisë së Durrësit, Mariglen Allka mbeti i plagosur, pasi u përplas nga një makinë që drejtohej nga Antonio Frroku 30 vjeç. Ky i fundit lëvizte me shpejtësi tej normave të lejuara, dhe pas arrestimit rezultoi nën efektin e alkoolit.
Tv Klan
Të ngjashme