“BE nuk e konsideron “ide të keqe”/Marrëveshja për emigrantët me Italinë, Rama: Shqipërisë i takon të jetë e dobishme për miqtë

Kryeministri Edi Rama, ka reaguar në lidhje me debatet mbi marrëveshjen me Italinë për ndërtimin e kampeve të refugjatëve në Shqipëri, i pyetur në forumin e sigurisë GLOBSEC 2024.

Rama theksoi se, përkundër kritikave nga disa grupe progresiste në Evropë që e konsiderojnë këtë marrëveshje si një ide të keqe, nuk ka ndonjë deklaratë të qartë nga Bashkimi Evropian, përfaqësuar nga Ursula von der Leyen, që të konsiderojë marrëveshjen si të gabuar.

Does Your Remote or Borderless Team Need Benefits?
Remote Health by SafetyWing
AI Trading Bot Shocks Markets with Record Profits, Sparks Unprecedented Download Rush
Prosperity Press
Sponsored Links
Ai shtoi se qëndrimi i tij është të mbështesë miqtë dhe të kontribuojë në mënyrë të dobishme për interesat e Shqipërisë dhe të partnerëve të saj.

“Si Kryeministër, është e rëndësishme për mua të jem i dobishëm për miqtë dhe që Shqipëria të jetë e dobishme për miqtë e saj. Nëse ata kërkojnë diçka, duhet të jem në krah të tyre, edhe pse nuk mund të bie dakord 100% me të gjitha aspekte,” tha Rama.

Si është reagimi, si i pajtoni mendimet për kampet e refugjatëve në Shqipëri në kuadër të marrëveshjes me Italinë?

Rama: Nuk ka shumë në BE që e kundërshtojnë. BE që përfaqësohet nga Ursula von der Leyen nuk thotë se marrëveshja është e gabuar. Ka nga ana progresiste e Evropës që e konsideron këtë si ide të keqe. Mua më takon të jem i dobishëm për miqtë dhe që Shqipëria të jetë e dobishme për miqtë. Nëse miqtë të kërkojnë diçka duhet të jesh krahë tyre, edhe pse nuk mund të biesh dakord 100% me ta.